ແຈ້ງການ ຊ່ວຍເຫຼືອນ້ຳຖ້ວຍ ແຂວງຫຼວງນໍ້າທາ

 

        ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ຂໍນະມັດສະການແຈ້ງມາຍັງ ພຣະອາຈານປະທານ ອົງການພຸດທະສາສະໝາສັມພັນລາວ ນະຄອນຫຼວງວຽງຈັນ ແລະ ປະທານອົງການພຸດທະສາສະໜາສັມພັນລາວແຂວງ ໃນຂອບເຂດທົ່ວປະເທດ ຊາບວ່າ: ເພື່ອເປັນການປະກອບສ່ວນໃນການບັນເທົາທຸກຊ່ວຍເຫຼືອຜູ້ປະສົບໄພນ້ຳຖ້ວມ ທີ່ແຂວງຫຼວງນ້ຳທາ ໃຫ້ທັນກັບສະພາບການ ແລະ ຄວາມຈຳເປັນໃນການດຳລົງຊີວິດປະຈຳວັນ ຂອງຜູ້ປະສົບໄພ ຂໍໃຫ້ ປະທານອົງການພຸດທະສາສະໜາສັມພັນລາວນະຄອນຫຼວງວຽງຈັນ ແລະ ປະທານອົງການພຸດທະສາສະໜາສັມ ພັນລາວແຂວງໃນຂອບເຂດທົ່ວປະເທດ ໃຫ້ລະດົມການຊ່ວຍເຫຼືອຈາກພາກສ່ວນຕ່າງໆ ພາຍໃນແຂວງຂອງຕົນ ໂດຍໃຫ້ປະຕິບັດດັ່ງນີ້:

1. ໄລຍະທຳອິດ (ຮີບດ່ວນ) ໃຫ້ລະດົມການຊ່ວຍເຫຼືອຈາກທຸກພາກສ່ວນ ໂດຍສະເພາະສິ່ງຂອງຈຳເປັນ ເຊັ່ນ: ອາຫານແຫ້ງ, ເຂົ້າສານ, ນ້ຳດື່ມ, ຢາປົວພະຍາດ ແລະ ສິ່ງຂອງອື່ນໆ ທີ່ຈຳເປັນ ໃຫ້ສຳເລັດ ແລະ ສົ່ງມອບ ໃຫ້ກັບຜູ້ປະສົບໄພ ພາຍໃນ ວັນທີ 16 ກັນຍາ 2024;
2. ໄລຍະທີສອງ ໃຫ້ສືບຕໍ່ລະດົມການຊ່ວຍເຫຼືອຢ່າງຕໍ່ເນື່ອງ ແລະ ສົ່ງມອບໃຫ້ແຂວງ ຕາມໄລຍະເວລາ ທີ່ເໝາະສົມ ໂດຍອີງຕາມສິ່ງຂອງທີ່ລະດົມໄດ້;

          ດັ່ງນັ້ນ, ຈຶ່ງນະມັດສະການແຈ້ງມາຍັງພຣະອາຈານເພື່ອຮັບຊາບ ແລະ ຈັດຕັ້ງປະຕິບັດໃຫ້ສຳເລັດຕາມຄາດໝາຍ ທີ່ກຳນົດໄວ້.